Роҳбарият

Икромов Турахон Шарбатович, факултаи педиатрияи Донишгоҳи давлатии тиббии Тоҷикистон ба номи Абуалӣ ибни Синоро соли 1994-ум хатм намудааст.

Солҳои 1994-1997 дар кафедраи ҷарроҳии кӯдакона, анестезиология ва реаниматологияи кӯдаконаи ДТБКСТ ҶТ интернатура ва ординатураи клиникиро аз рӯи ихтисоси анестезиология ва реаниматологияи кӯдакона гузаштааст. Солҳои 1997 - 2000 ҳамчун аспиранти кафедраи ҷарроҳии кӯдакона, анестезиология ва реаниматологияи кӯдаконаи ДТБКСТ ҶТ таҳсил гузаштааст.

          Икромов Т.Ш. фаъолияти кории худро аз соли 2000 ҳамчун ассистенти кафедраи ҷарроҳӣ, анестезиология ва реаниматологияи кӯдаконаи ДТИБКТТ оғоз намудааст.

Аз моҳи сентябри соли 2004 то моҳи январи соли 2008 директори Маркази илмӣ-тадқиқотӣ ва клиникӣ-эксперименталии донишкада фаъолият намудааст. Аз соли 2008 то соли 2019 мудири кафедраи педиатрияи МДТ КТҶ ВТ ҲИА ҶТ фаъолият намудааст. Аз соли 2020 то ба ҳол дар вазифаи директори МД “Маркази ҷумҳуриявии илмию клиникии педиатрӣ ва ҷарроҳии кӯдакона” кор ва фаъолият намуда истодааст.

Cоли 2002 рисолаи номзадиро дар мавзӯи «Интенсивная терапия и анестезиологическое обеспечение у детей с односторонним нефролитиазом» ва моҳи октябри соли 2017 рисолаи докториашро дар мавзуи «Оптимизация интенсивной терапии и анестезиологического обеспечения у детей с двухсторонним уролитиазом, осложненным хронической болезнью почек» ҳимоя намудааст.

Муаллифи зиёда аз 250 корҳои нашргардида мебошад, аз ҷумла: 7 – дастури таълимӣ, 8 – дастури таълимӣ-методӣ, 2 – китоби дарсӣ, 4-монография, 81 –мақола, 2 патент ва 10 – пешниҳоди беҳсозӣ мебошад.

Таҳти роҳбарии Икромов Т.Ш. 1 – нафар рисолаи доктори илмҳои тиб ва 1 – нафар рисолаи номзади илмҳои тибро бомувафақият дифоъ намудаанд. Айни ҳол таҳтии роҳбарии ӯ 2 – нафар унвонҷуён рисолаҳои худро барои дарёфти дараҷаи илмии номзади илмҳои тиб пеш бурда истодаанд.

Бо ордени Шараф дараҷаи - 2 мукофотонида шудааст.

Аълочии тандурустии Тоҷикистон ва аълочии маорифи Тоҷикистон мебошад.

Собиқаи корӣ: 30 сол

Собиқаи педагогӣ: 27 сол мебошад.