Берунории файл

Протоколи № 7

МУОЛИҶАИ ОМФАЛОТСЕЛЕ (ЧУРРАИ НОФ)

I. РАМЗИ ТББ -10 - Q 79.2

II. ШАКЛҲОИ КЛИНИКӢ

Аз рӯйи андозаҳо:

• хурд – норасоии (дефекти) девораи пеши шикам то 3-4 см дар диаметр, барҷастагӣ то 5 см дар диаметр;

• миёна - норасоии (дефекти) девораи пеши шикам то 7 см дар диаметр, барҷастагӣ то 10 см дар диаметр;

• миёна - норасоии (дефекти) девораи пеши шикам бештар аз 7 см дар диаметр, барҷастагӣ бештар аз 10 см дар диаметр.

Аз рӯйи мӯҳлати бавуҷудоӣ ва хусусиятҳои анатомӣ:

• чурраҳои ҷанинӣ (эмбрионалӣ) – пардаҳои чурра ба ҷигар сахт часпидаанд;

• чурраҳои тухма - пардаҳои чурра ба ҷигар начаспидаанд;

• чурраҳои омехта.

Аз рӯйи равиши  клиникӣ:

• бе авориз – бо пардаҳои тағйирнаёфта;

• аворизнокшуда – бо пардаҳои осебёфта, сироятёбӣ, муаммоҳои ҳамрадиф.

Ташхиси  омфалотселе ба таври аниқ дар давраи тотаваллудӣ (антенаталӣ) имконпазир мебошад.

III. ТАШХИСОТ ДАР ТАВАЛЛУДХОНА

• норасоии (костии, нуқсони, дефекти) девораи пеши шикам дар минтақаи ноф, бо барҷаста баромадани узвҳои дохилӣ, ки бо пардаи нафиси шаффофи хокистарранг (тира) пӯшонида шудааст;

• дар ҳудуди бофтаҳои солим чанбараки қирмизитоб (сурхчатоб) то 2-3 мм мавҷуд мебошад;

• пардаҳои чурра ба танобаки ноф мегузаранд;

• ҳолати умумии навзод аз бузургии чурра ва равиши клиникии он – бутунии пардаҳо, сироятнокшавии ковокии шикам, нуқсонҳои ҳамрадиф вобаста мебошад.

Ташхиси тафриқавӣ бо  гастрошизис ва энтерошизис.

IV. МУОЛИҶА ДАР ТОЛОРИ ЗОИШ

• тоб додани танобаки ноф аз периферия ба асоси он тавсия дода мешавад, то он ки осебёбии ҳалқаҳои рӯда дар мавриди бастани он ва гузоштани  “клемма” пешгирӣ карда шавад;

• барҷастагии чурра бо сачоқчаҳои қоқу гарм ва бесироятгардонида-шуда ё парпеч пӯшонида мешавад (трамал даҳонӣ (энтералӣ), морфин 0,2 мг/кг).

Нишондодҳо ба муолиҷаи ғайриҷарроҳӣ

•  чурраҳо бо пардаҳои сироятёфта;

•  чурраҳои андозаашон бузург, ҳангоми ҷойивазшавии узвҳои дохилӣ дар ковокии шикам ба  қатъшавии нафаскашӣ ва фаъолияти дил оварда мерасонад;

• чурраҳо бо вайроншавиҳои ҳамрадифи вазнин, ки барои ҷарроҳӣ зиднишондод мебошанд (осеби вазнини дохилиҷумҷумавӣ, нуқсони мураккаби дил, зоидашавии норасо (чалазодӣ) ва диг.).

Нишондодҳо ба муолиҷаи ҷарроҳӣ

• чурраҳои аворизнокшудаи ҳама андозаҳо, бе сироятёбии пардаҳо, дар соатҳои аввали баъди зоиш;

• чурраҳои тамоми андозаҳо бо кафидани пардаҳо ва эвентратсия (дарунберуншавии узвҳои шикам);

• чурраҳо бо вайроншавиҳои ҳамрадифи фаъолияти узвҳои ковокии шикам, ки  ёрии таъҷилиро тақозо менамоянд - ногузарогии модарзодии  рӯда, найчаи (маҷрои)  кушодаи халтаи (кисаи) зардӣ.

V. ОМОДАСОЗИИ ҚАБЛИҶАРРОҲӢ

• кӯдаки навзод дар катчаи гармкунак (“кувез”), гармкунии кӯдак;

• оксигени намнок;

• васоити доругии қалбӣ;

• санди меъдаӣ;

• таҳқиқоти умумиклиникӣ;

• таҳқиқоти аввалини  бактериолоҷии маводи дастраси аслӣ;

• барои мустасно намудани касолати (патологияи) ҳамрадиф –таҳқиқоти рентгенологии хулосавии ковокии шикам, ЭхоКГ, таҳқиқоти фавқуссадоӣ;

• антибиотикҳо, викасол;

• имолагузорӣ (ҳуқнагузорӣ, “клизма”);

• соз кардани (омодасозии)  системаи воридсозии дохиливаридии маҳлулҳо;

• муолиҷаи аломатӣ (“симптомӣ”).

 

VI. МУОЛИҶАИ ҶАРРОҲӢ - таъҷилӣ.

Маҳаки (“критерийи”) омодагӣ ба амалиёти ҷарроҳӣ  устуворшавии (“стабилизатсияи”) ҳемодинамика ва нишондиҳандаҳои асосии   лабораторӣ мебошад.

• Чурраҳои андозаҳояшон хурд  (бо озмоиши мусбат ба воридсозии узвҳои дохилӣ ба ковокии шикам) – ҷарроҳиҳои якмарҳилагӣ бо тармими (пластикаи) девораи пеши шикам тавассути бофтаҳои маҳаллӣ.

• чурраҳои андозаҳояшон бузург – ҷарроҳиҳои думарҳилагӣ (марҳилаи 2-юм дар  2-5 - солагӣ), истифодабарии масолеҳи  аллопластикӣ (ксеноперикард, пардаи   консервикардашудаи сахти майна) барои тармими девораи пеши шикам.

VII. БУРДАНИ БАЪДИҶАРРОҲИИ БЕМОРОН

• ғизодиҳии парентералӣ ва муолиҷаи инфузионӣ дар рӯзҳои аввал;

• бартарафсозии нимфалаҷи (парези) рӯда;

• кам намудан ё пешгирӣ намудани норасоии нафаскашӣ ва қалбӣ-рагӣ;

• мавқеи болобардошташуда дар бистар, санд дар меъда, гузоштани найчаи газбарор, УВЧ ба асаббофти шикамӣ;

• антибиотикҳо;

• поливитаминҳо;

• пас аз нест намудани парез (на барвақттар аз рӯзи  10-ум) –ғизодиҳии вояноки ҳозимавӣ (даҳонӣ,  энтералӣ).

VIII. МУОЛИҶАИ ҒАЙРИҶАРРОҲӢ

• пардаҳои чурраро бо маҳлули спирти 70% покизасозӣ мекунанд, сипас тавассути маҳлули 1%  йод, пас аз қоқ шудан дармонро  3-4 маротиба бо фосилаи 5-10 дақиқа такрор менамоянд; 1-2 рӯз пардаҳоро пас аз  1-1,5 соат покизасозӣ мекунанд;

• агар кӯдак дар катчаи гармкунак (“кювез”) қарор дошта бошад, он гоҳ чурраро кушода мемонанд, дар акси ҳол бандинаи қоқи бесирояткардашуда (тамъизшуда, “асептикӣ”) мегузоранд;

• дар ҳафтаҳои 3-5 – ум, пас аз мумиёишавӣ (мумификатсия) ва кӯчида афтодани пардаҳо – гузоштани бандинаҳо бо марҳамҳои  ируксол, солкосерил, балзами  Шостаковский;

• нурзанонии ултрабунафши (УФО) захм ҳангоми захмбандӣ;

• халта тадриҷан кам шуда, пас аз 2-2,5 моҳ эпителизатсия мешавад.

IХ. РЕАБИЛИТАТСИЯ ДАР МАРҲИЛАИ  2–ЮМИ МУДОХИЛАИ ҶАРРОҲӢ

• масҳи мушакҳои девораи пеши шикам;

• варзиши муолиҷавӣ;

• зуд-зуд ба шикам гузоштани кӯдак.

 

Адабиётҳо:

1. Долецкий С.Я., Лёлюшкин А.И. Гнойно-воспалительные заболевания новорожденных . М: 1965г. 179 стр.
2. Баиров Г.А. Неотложная хирургия детей.  Л., 1983г.
3. Долецкий С.Я., Гаврюшов В.В., Акопян В.Г. Хирургия новорожденных.  М: 1976г.

 

← Библеотека